الربيع العربي

                                    دكتور محمود رفعت يكتب                                      

 لسنا وحدنا  علي هذا الكوكب 

في حوار بيني وبين سائق التاكسي اللي أقدر أقول انه غالب علي شخصيتة العصبية بحكم طبيعة عملة والقيادة في الزحمة سواء زحمة الناس او زحمة السيارات بدأ الحوار بيني وبينة كالتالي ----- عندما تعداه شخص بطريقة خطأ مروريا فرد بعصبية شديدة وقال انت يا ابني انت مش شايف قدامك استغفر الله العظيم مش شايف انا ماشي ازاي وانت مشيت ازاي ربنا يتوب علينا منكم بقي فنظرت له متبسما وقلت له صبرا يا اسطي الحياة محتاجة صبر فقال لي يا استاذ ما انا صبور اهه بس انت مش شايف هو عمل ايه يعني لو انا او انت مكانه هنعمل كده يعني رديت وقولت المشكلة مش في اني انا او انت هنتصرف غير تصرفة ده شئ طبيعي اننا نتصرف بطريقة مختلفة قالي طيب هو ليه ميتصرفش باسلوب كويس ليه ميبقاش قد المسئولية ويحترم الغير قولت له ببساطة لان انا مش انت وهو مش انا وانت مش هو رد وقال مش فاهم تقصد ايه قولت له بصراحة المشكلة مش في اختلافنا نفسة المشكلة في سبب الاختلاف احنا اصلا بنختلف ليه مع بعض عارف ليه ؟قالي ليهقولت له لاننا مش قادرين نقبل فكرة اننا مش لوحدنا علي الكوكب معانا غيرنا فكرة وجود الأخر  بقولك يا اسطي انت معاك شهادة ؟السواق: طبعا يا استاذ انا بكالوريوس تجارة بس مفيش شغل في البلد هنعمل ايه انا : طب جميل لو وقفت قدام مرايتك في قوضة نومك مين اللي هيظهر وري المراية السواق : نعم ايه يا أستاذ ده سؤال انا : لا حقيقي هتشوف مين ؟السواق : وري المرايا صورتي انا : رائع صورتك يعني انت والا لا؟السواق : طبعا انا لا اله الا الله ده مش محتاجة حاجة انا : ادي اول غلطة اللي وري المرايا صورتك مش انت ببساطة اللي وري المرايا النيجاتيف بتاعك السواق : يعني انا برده صحانا : غلط ببساطة لو شاورت بايدك اليمين علي المرايا هيقابلها ايدك اليمين والا الشمال جرب كدة دلوقت في مراية عربيتكالسواق : الله ده اليمين وري المرايا بتبقي شمال صحيح فعلا انا : عرفت يعني مش انت دي النيجاتيف او الاشارة السالبة لك مش انت صحيح السواق : صح يا استاذ الله ينور عليك انا : بنفس المفهموم ده لازم تقبل ان الناس اللي بتقابلهم في الشارع وفي حياتك مش انت متحاسبهموش علي مبادئك انت ولا لازم يكونو نسخة مكررة من عقليتك انت ولا تحاسبهم علي اللي انت اتربيت عليه ببساطة في قاعدة في المعاملة لو استخدمتها  تستريح وتريح عارف ايه هي السواق : ايه هي انا : عامل الناس بالطريقة اللي يحبو يسمعو منك بيها مش بالطريقة اللي انت حابب تكلمهم بيها بالبلدي كده بيع للي قدامك بالطريقة اللي يحب يشتري منك بيها مش بالطريقة اللي انت حابب تبيع له بيها السواق : وايه الفرق ما هم واحدانا : لا طبعا الاولي معناها انك بعت للغير لكن التانية معناها انك بتكلم نفسك ببساطة زي ما القاعدة بتقول عاملو الناس علي قدر عقولهم وبطريقة ابسط هل لما بتعامل طفل زي ما بتعامل شاب زي ما بتعامل رجل كبير في السن ؟السواق : لا طبعا كل واحد له طريقة انا : ليه علي الرغم ان كلهم بني ادميين ليه غيرت طريقة المعاملة السواق : كل عمر له طريقة انا : برافوا بنفس المنطق كل عقلية لها طريقة في التعامل لان العقليات لها عمر وخبرة تحسب حسب مستوي الثقافة والفكر والتعليم والخبرة برده ببساطة لو اتعاملت باساسياتك انت في الصح والغلط هتتعب نفسك ومش هتغير الأخرين لكن لو قبلت فرصة وجود الاخرين المختلفين عني وعنك هتحاول تطور من نفسك وادائك عشان تنجح في التواصل والتعامل معاهم هتقل مشاكلك وعصبيتك وهتحس انك عايش في عالم افضل وقاعدة موجودة في القرأن حتي في الدلالة لطريق ربنا بتقول " أدعوا الي سبيل ربك بالحكمة والموعظة الحسنة" وصدقني قاعدة حطها دايما في بالك عشان تستريح    احنا مش لوحدنا علي كوكب الأرض السواق تمام يا استاذ متشكر جدا علي الاضافات دي حقيقي أستفدت وهديت كمان كتر خيرك بجد الدم كان في وشي من الضغط والغيظ  لكن دلوقت احسن كتير انا : ههههههه لا تحت امرك مفيش داعي للشكر أوعي تنسي القاعدة دي ----- 

------مش لوحدنا علي كوكب الأرض-------